Inaugurohet AAB Teatri “Faruk Begolli”, shfaqja premierë “Profesor, jam talent…”, në regji të Luan Dakës

Përshkrimi:

23 August 2017, 13:00:00
Në ambientet e Kolegjit AAB, sot zyrtarisht inaugurohet Teatri i Kolegjit AAB “Faruk Begolli”.

Drejtues të teatrit, në një konferencë për media, folën për idenë e krijimit të tij, rëndësinë, repertorin dhe aktivitetet në të ardhmen.

Drejtoresha e Teatrit të Kolegjit AAB “Faruk Begolli”, Burbuqe Berisha tha se sot i kemi dy festa: e para është se do ta inaugurojmë teatrin e ri dhe e dyta se do të jepet premiera e shfaqjes “Profesor, jam talent se jo mahi”, një shfaqje e punuar nga profesori Luan Daka, bashkë me ekipin, kryesisht me aktorë të rinj, disa prej të cilëve i kanë përfunduar studimet dhe disa prej të cilëve ende janë studentë.

“Nëse pyetni pse është bash kjo shfaqje? Është sepse ne kemi nderin që ky teatër e mban emrin e profesorit Faruk Begolli dhe cila shfaqje është më e mirë për ta portretizuar profesorin Faruk Begolli se shfaqja “Profesor, jam talent se jo mahi”, tha ajo.

Berisha shtoi se kjo ka qenë një prej homazheve që kemi dashur ta bëjmë për profesorin Faruk. Gjithashtu, kemi përzgjedhur që aktorët të jenë të gjithë të rinj dhe një prej njerëzve dhe bashkëpunëtorëve të profesorit Faruk, bashkautorin profesorit Luan Daka, i cili e ka bërë regjinë e kësaj shfaqjeje dhe të cilit i takon më së shumti ky privilegj ta bëjë këtë shfaqje.

Ndërsa Luna Daka ka thënë se më vjen mirë që pata rastin ta përgatis këtë shfaqje me aktorë të rinj. Hapja e teatrin të AAB-së me këtë shfaqje më sjell një kënaqësi dhe të njëjtën kohë një nostalgji për vitet kur kemi punuar së bashku me shumë artistë dhe me profesorin Faruk Begolli.

“Kemi shumë gjëra të posaçme në këtë shfaqje, të cilat do t’i shohë publiku, por është edhe një e veçantë në këtë shfaqje, ku marrin pjesë tetë artistë, shtatë goca dhe një djalë, të cilët janë: Fatlume Bunjaku, Vjosa Malokaj, Vjollca Hoti, Adelina Zekolli, Valmir Krasniqi, Laureta Gashi, Arta Lahu dhe Furtuna Aliu. Po ashtu edhe të gjithë këta aktorë ndihen të privilegjuar dhe të lumtur që janë pjesë e kësaj shfaqjeje dhe që u është dhënë mundësia të luajnë një teatër të tillë më infrastrukturë supermoderne”, tha zoti Daka.

“Për mua është një nder i madh me qenë pjesë e një projekti, sidomos kur bëhet fjalë për këtë shfaqje. Unë si fëmijë e kam përcjellë shumë shfaqjen dhe ndjehem shumë e lumtur që jam pjesë e kësaj shfaqjeje. Përvoja ka qenë mjaft e mirë, ka qenë kënaqësi të punosh me profesorin Luan. Është shumë nder ta hapësh një teatër që mban emrin e profesorit FarukBegolli dhe të jem pjesë e projektit të parë të këtij teatri”, ka thënë Fatlume Bunjaku, njëra ndër aktoret.

Shfaqja “Profesor, jam talent se jo mahi” do të jetë në repertorin e rregullt. Ajo do të lëvizë edhe në vende të tjera dhe në qendra të tjera jo vetëm të Kosovës, por edhe në vendet e tjera ku flitet dhe ku kuptohet gjuha shqipe.

Teatri i AAB-së është institucion i pavarur prej Kolegjit AAB, është për të gjithë shikuesit dhe do të ketë repertor të vetin të rregullt. Teatri do të jetë i hapur për regjisorë të Kosovës por edhe regjisorë ndërkombëtarë dhe do ta ketë një repertor të rregullt. Diçka që do të jetë e veçantë është se ne do të kemi jo vetëm shfaqje për të rritur, por edhe shfaqje për fëmijë. Ky teatër ka një numër të ulëseve që arrin 400, po ashtu ka shumë të mirë të rregulluar zërimin dhe ndriçimin.


Të Tjera



Komentoni


Shfaqje Të Gjitha

Për çaj te Hillary

Me rastin e 28 Dhjetorit – Ditës Ndërkombëtare të Kinematografisë, Fakulteti i Komunikimit Masiv dhe AAB Teatri “Faruk Begolli” Ju ftojnë Të merrni pjesë në ceremoninë e inaugurimit të Kino-Klubit AAB. Me këtë rast, në rikujtim të 121 vjetorit të Ditës Ndërkombëtare të..

Shfaqje

Për çaj te Hillary



Repertuarë Të Gjitha

Në AAB Teatrin “Faruk Begolli” u dha premiera e shfaqjes për fëmijë “Dy gjitarë ëndërrimtarë“, sipas tekstit të Shaip Grabovcit dhe me regji të Melihate Qenës. Me mesazhe shumë edukative për fëmijët, “Dy gjitarë ëndërrimtarë” ishte premiera e parë që u inseknua në ..

Repertuarë

Dy gjitarë ëndërrimtarë




Adresa: Rr. ”Elez Berisha”, nr. 56,
Zona Industriale Prishtinë - Fushë Kosovë,
10000 Prishtinë, Republika e Kosovës,
Email: info@aab-edu.net,
Tel: +381 38 600 005.

© 2018 Teatri AAB "Faruk Begolli". Të gjitha të drejtat e reservuara. Developed by SHM